Partenza   |    Aua da la vita   |    Shop    |    Sur da no    |    Contact


Aua da la Vita

Nos Whisky

Il pled whisky deriva da ‘Uisge Beatha’, ün’expressiun gallica e s’inificha aua da la vita. Il whisky exclusiv da la Swiss Alpine Spirit AG cuntegna aua püra da funtana da las muntognas Grischunaisas e Valisanas. Eir la granezza deriva da quistas regiuns, vegn elavurada illa Bieraria Tschlin SA, destillada illa Sempione Distillery il Valais ed implida in butschins da ruver da vin cotschen Valisan. Ils butschins madüran lura in üna gallaria suot il Parc Naziunal Svizzer. Üna grond’experienza d’elavuraziun cumbinada cun ingredienzas da las alps Svizras.

 



Whisky da las mutognas svizras

La visiun

Nossa visiun es da prodüer our dad ingredienzas indigenas Svizras, insembel cun parternaris locals, ün whisky nöbel ed aromatic. Nossa fermezza es la collavuraziun tanter il chantun grischun – rapreschantà dal capricorn in nos signet – ed il Valais – rapreschantà da la vacha d’eringer.


La creaziun

1. Granezza regiunala

Suot il sulai da l’Engiadina Bassa crescha fingià daspö passa 2000ons gran. Per nos whisky douvraina in prüma lingia granezza da l’Engiadina e dal Valais, sco per exaimpel üerdi pel Glacier Whisky Single Malt o sejel e furmaint.

L’utont, davo la racolta , riva il gran illa maltariae vegn lura furni a la Bieraria Tschlin SA a Martina.

2. La producziun dal cundimaint (Würze)

Davo cha la Bieraria Tschlin SA ha muglinà il malt vegn quel masdà cun aua choda aint illa prüma tina.

Pro quist prüm pas vegn l’amid transfuormà in zücher (Maltose) ed in otras sorts da zücher. Il böt da quist proces es dad extrar tuot ils züchers avantman.

3. Fermentar

La fermentaziun es sumgliainta a quella da la producziun da biera. Il cundimaint ha üna valur d’alcohol da 5 fin 8 pertschients.

4. Destillar

La Sempione Distillery AG da Brig-Glis es specialisada illa producziun da whisky e destillescha eir per la Swiss Alpine Spirit AG. Quist whisky vegn lura impli in butschins da 250 liters our da ruver chi gnivan douvrats per vin cotschen Valisan.

5. Madürar

Sper la qualità da las igredienzas e la lavur da produciun es il madürar fich important per ün whisky. Ils whiskys da la Swiss Alpine Spirit madüran in butschins da vin cotschen dal Valais almain trais ons in üna gallaria suot las muntognas dal Parc Naziunal Svizzer. La nota finala survain nos whisky illa halla da la Sempione Distillery il Valais.

6. Controllar

Regularmaing vegn controllà il svilup dal madürar e la qualità dal prodot. Be uschea as poja garantir il meglder temp er implir giò.